ಅ ಆ ಇ ಈ ಕನ್ನಡದಾ ಅಕ್ಷರಮಾಲೆ
ಅಮ್ಮ ಎಂಬುದೇ ಕಂದನ ಕರುಳಿನ ಕರೆಯೋಲೆ ||
ಆ ಆ ಆಟ ಊಟ ಓಟಾ ಕನ್ನಡ ಒಂದನೇ ಪಾಠ
ಕನ್ನಡ ಭಾಷೆಯ ಕಲಿತವಗೆ ಜೀವನವೇ ರಸದೂಟ ||
ಇ ಇ ಇದ್ದವರೆಲ್ಲ ಇಲ್ಲದವರಿಗೆ ನೀಡಲೇ ಬೇಕು
ಈಶ್ವರನಲ್ಲಿ ಎಂದೂ ನಂಬಿಕೆ ಇಡಬೇಕು ||
ಅ ಆ ಇ ಈ ಕನ್ನಡದಾ ಅಕ್ಷರಮಾಲೆ ಅಮ್ಮ ಎಂಬುದೇ ಕಂದನ ಕರುಳಿನ ಕರೆಯೋಲೆ||
ಉ ಉ ಉಪ್ಪು ತಿಂದ ಮನೆಗೆ ಎರಡು ಬಗೆಯಬೇಡ
ಊ ಊ ಊರಿಗೆ ದ್ರೋಹ ಮಾಡಿ ಬದುಕಲೆಣಿಸಬೇಡ ||
ಋ ಋ ಎ ಏ ಐ ಭಾರತ ಮಾತೆಗೆ ಜೈ ||
ಒ ಒಂದೇ ತಾಯಿ ಮಕ್ಕಳು ನಾವು ಒಂದುಗೂಡಬೇಕು
ಓ ಓದನು ಕಲಿತು ದೇಶದ ಸೇವೆಗೆ ನಿಲ್ಲಬೇಕು ||
ಅ ಆ ಇ ಈ ಕನ್ನಡದಾ ಅಕ್ಷರಮಾಲೆ ಅಮ್ಮ ಎಂಬುದೇ ಕಂದನ ಕರುಳಿನ ಕರೆಯೋಲೆ
ಔ ಅಂ ಅ: ಅಹ ಆಹಾ ಆಅಹ್ಹ ||
----
ಸಾ ರಿ ಗ ಮ ಪದ ನೀ…
ಸಾ ನೀ ದ ಪ ಮ ಗ ರೀ….
ಏಳು ಸ್ವರವು ಸೇರಿ ಸಂಗೀತ ವಾಯಿತು…
ಏಳು ಬಣ್ಣ ಸೇರಿ ಬಿಳಿಯ ಬಣ್ಣ ವಾಯಿತು…
ಏಳು ದಿನವೂ ಸೇರಿ ಒಂದು ವಾರವಾಯಿತು…
ಏಳು ತಾರೆ ಸಪ್ತ ಋಷಿಯ ಚಿನ್ಹೆಯಾಯಿತು…
ಕಡಲಿನಿಂದ ನೀರ ಆವಿ ಮೋಡವಾಯಿತು….
ಮೋಡ ಗಿರಿಗೆ ಮುತ್ತನಿಡೇ ಮಳೆಯು ಆಯಿತು…||
ಮಳೆಯು ನೆಲಕೆ ಬೀಳಲು ಬೆಳೆಯು ಆಯಿತು…
ಬೆಳೆದ ಕಾಳು ನಮಗೆ ತಾನು ಅನ್ನವಾಯಿತು||
ಬೀಜ ಮೊಳೆತು ಸಸಿಯು ಆಗಿ ಹೂವು ಬಿಟ್ಟಿತು….
ಹೂವಿನಿಂದ ಹೂವಿಗೆ ದುಂಬಿ ಹಾರಿತು.||
ದುಂಬಿಯಾಟ ಹೂವನು ಕಾಯಿ ಮಾಡಿತು…
ಕಾಯಿ ಮಾಗಿ, ಹಣ್ಣು ಆಗಿ ಬೀಜ ತಂದಿತು||
ಏಳು ಸ್ವರವು ಸೇರಿ ಸಂಗೀತ…….
---------
ಗೇರ್ ಗೇರ್ ಮಂಗಣ್ಣ
ಕಡ್ಲೆಕಾಯಿ ನುಂಗಣ್ಣ
ರೆಂಬೆಯಿಂದ ಕೊಂಬೆಗೆ
ಹೈ ಜಂಪ್ ಮಾಡು ಹನುಮಣ್ಣ||
-----
ಮಳೆ ಬಂತು ಮಳೆ
ಕೊಡೆ ಹಿಡಿದು ನಡೆ
ಜಾರಿಬಿದ್ದು ಮಣ್ಣಿನಲ್ಲಿ (ನೆಲದ ಮೇಲೆ)
ಬಟ್ಟೆಯೆಲ್ಲ ಕೊಳೆ||
ಬಿಸಿಲು ಬಂತು ಬಿಸಿಲು
ಕೋಟು ಟೋಪಿ ತೆಗೆ
ಬಾವಿಯಿಂದ ನೀರು ಸೇದಿ
ಸೋಪು ಹಾಕಿ ಒಗೆ||
----
ಅಜ್ಜಂಗೆ ಬೇಕು ನಶ್ಯದ ಡಬ್ಬ
ಅಜ್ಜಿಗೆ ಬೇಕು ಕುಂಕುಮದ ಡಬ್ಬ
ಅಪ್ಪಂಗೆ ಬೇಕು ಶೇವಿಂಗ್ ಡಬ್ಬ
ಅಮ್ಮಂಗೆ ಬೇಕು ಪೌಡರ್ ಡಬ್ಬ
ನನಗೆ ಬೇಕು ಚಾಕಲೇಟ್ ಡಬ್ಬ 🙂 ||
----
ಸರ ಸರ ಕನ್ನಡ ಓದಲು ಬರೆಯಲು ಕಲಿಸಿದ ತಾಯಿಗೆ ನಮೋ ನಮೋ||
ಸ್ವರ ವ್ಯಂಜನಗಳ ಪದ್ದತಿ ಅರುಹಿದ ಶಾರದಂಬೆಗೆ ನಮೋ ನಮೋ||
ರಸವತ್ತಾದ ನುಡಿಗಳ ನುಡಿಸಿದ ವೀಣಾಪಾಣಿಗೆ ನಮೋ ನಮೋ||
ತಿಮಿರವ ಓಡಿಸಿ ಬೆಳಕನು ನೀಡಿದ ಜ್ಞಾನದೇವತೆಗೆ ನಮೋ ನಮೋ||
-----
ಅಣ್ಣನು ಮಾಡಿದ ಗಾಳಿಪಟ
ಬಣ್ಣದ ಹಾಳೆಯ ಗಾಳಿಪಟ
ನೀಲಿಯ ಬಾನಲಿ ತೇಲುವ ಸುಂದರ
ಬಾಲಂಗೋಚಿಯ ನನ್ನ ಪಟ||
-------
ಬಾ ಬಾರೆ ಗುಬ್ಬಿ ಮರಿ ತಂದಿರುವೆ ಕಡ್ಲೆಪುರಿ
ಇಬ್ಬರು ತಿನ್ನೋಣ ಬಾ,
ಅವಲಕ್ಕಿ ಹುರಿಗಾಳು ತಂದಿರುವೆ ಸ್ವಲ್ಪ ತಾಳು ಇಬ್ಬರು ತಿನ್ನೋಣ ಬಾ
ಅಮ್ಮನ್ನ ಕೇಳ್ತೀನಿ ಕೊಡದಿದ್ರೆ ಅಳ್ತೀನಿ ಹೇಗಾದ್ರು ತರ್ತೀನಿ ಬಾ ||
----
ಹತ್ತು ಹತ್ತು ಇಪ್ಪತ್ತು
ತೋಟಕೆ ಹೋದನು ಸಂಪತ್ತು ||
ಇಪ್ಪತ್ತು ಹತ್ತು ಮೂವತ್ತು
ಕೈಯಲ್ಲಿ ಒಂದು ಕಲ್ಲಿತ್ತು||
ಮೂವತ್ತು ಹತ್ತು ನಲವತ್ತು
ಎದುರಿಗೆ ಮಾವಿನ ಮರವಿತ್ತು||
ನಲವತ್ತು ಹತ್ತು ಐವತ್ತು
ಮಾವಿನ ಮರದಲಿ ಕಾಯಿತ್ತು||
ಐವತ್ತು ಹತ್ತು ಅರವತ್ತು
ಕಲ್ಲನು ಬೀಸಿದ ಸಂಪತ್ತು||
ಅರವತ್ತು ಹತ್ತು ಎಪ್ಪತ್ತು
ಕಾಯಿಯು ತಪ ತಪ ಉದುರಿತ್ತು||
ಎಪ್ಪತ್ತು ಹತ್ತು ಎಂಬತ್ತು
ಮಾಲಿಯ ಕಂಡನು ಸಂಪತ್ತು||
ಎಂಬತ್ತು ಹತ್ತು ತೊಂಬತ್ತು
ಕಾಲುಗಳೆರಡು ನಡುಗಿತ್ತು||
ತೊಂಭತ್ತು ಹತ್ತು ನೂರು
ಮನೆಯನು ಸೇರಿದ ಸಂಪತ್ತು ||
---
ಕರಡಿ ಬೆಟ್ಟಕ್ಕೆ ಹೋಯಿತು…
ಕರಡಿ ಬೆಟ್ಟಕ್ಕೆ ಹೋಯಿತು…
ನೋಡಿತೆನದು…? ನೋಡಿತೆನದು….?
ಬೆಟ್ಟದ ಇನ್ನೊಂದು ಭಾಗ…
ಬೆಟ್ಟದ ಇನ್ನೊಂದು ಭಾಗ…
ಕರಡಿ ನೋಡಿತು…
ಹಲಸು ತಂದಿತು, ಜೇನು ಕಲಸಿತು,
ಮರಿಗಳಿಗೆ ತಿನ್ನಿಸಿ, ತಾನು ತಿಂದು ತೆಗಿತು…||
-----
ಒಂದು ಎರಡು ಬಾಳೆಲೆ ಹರಡು..
ಮೂರು ನಾಲ್ಕು ಅನ್ನ ಹಾಕು…
ಐದು ಆರು ಬೇಳೆ ಸಾರು…
ಏಳು ಎಂಟು ಪಲ್ಯಕೆ ದಂಟು…
ಒಂಬತ್ತು ಹತ್ತು ಎಲೆ ಮುದುರೆತ್ತು…
ಒಂದರಿಂದ ಹತ್ತು ಹೀಗಿತ್ತು…
ಊಟದ ಆಟವು ಮುಗಿದಿತ್ತು….||
-----
ಝಣ ಝಣ ಝಣ
ಜೇಬು ತುಂಬಾ ಹಣ
ಮೇಲಕೆತ್ತಿ ಬಿಡಲು ಸದ್ದು
ಟನ್ ಟನಾ ಟನಾ…
ನದಿಯೊಂದು ಬಕ..
ಮುದುರಿಕೊಂಡು ಮುಖ
ಕಾಲನೆತ್ತಿ ಕುಣಿಯುತಿತ್ತು
ಥೈ ತಕ್ಕ ತಕ್ಕ…
ಸುತ್ತ ಹಸಿರು ವನ
ನಡುವೆ ಮೈವ ದನ
ಮರದ ಬಳಿ ಗೊಲ್ಲನುಲಿ
ತಾನ ನಾನ ನಾ….
-----
ಆನೆ ಬಂತೊಂದು ಆನೆ
ಯಾವೂರಾನೇ
ಬಿಜಾಪುರದ ಆನೆ
ಇಲ್ಲಿಗೆ ಯಾಕೆ ಬಂತು?
ದಾರಿ ತಪ್ಪಿ ಬಂತು
ಕೊಬ್ರಿ ಬೆಲ್ಲ ತಂತು…
ಮಕ್ಕಳಿಗೆಲ್ಲಾ ಹಂಚ್ತು..
ಆನೆ ಓಡಿ ಹೋಯ್ತು….
----
ತೋಟಕೆ ಹೋಗೋ ತಿಮ್ಮ
ತೋಳ ಬಂದೀತಮ್ಮ
ಹಸು ಮೈಸೋ ತಿಮ್ಮ
ಹಸು ಹಾದೀತಮ್ಮ
ಓಲೆ ಉರಿಸೋ ತಿಮ್ಮ
ಉರಿ ಸುಟ್ಟೀತಮ್ಮ
ಪಾಠ ಬರೆಯೋ ತಿಮ್ಮ
ಬಳಪ ಇಲ್ಲ ಅಮ್ಮ
ನೀರು ಸೇದೋ ತಿಮ್ಮ
ಕೈಯ್ಯಿ ನೋವು ಅಮ್ಮ
ಕಾವಲಿ ತಾರೋ ತಿಮ್ಮ
ಕಾಲು ನೋವು ಅಮ್ಮ
ಹೂವು ಬಿಡಿಸೊ ತಿಮ್ಮ
ಹಾವು ಬಂದೀತಮ್ಮ
ಊಟಕೆ ಬಾರೋ ತಿಮ್ಮ
ಓಡಿ ಬಂದೆನಮ್ಮ
No comments:
Post a Comment